Një drejtues mjeti nga Kosova u prangos nga policia pasi tentoi të korruptojë efektivin e rrugores.
Specialistët e Sektorit për Krimin Ekonomik dhe Financiar në Drejtorinë Vendore të Policisë Elbasan, në bashkëpunim me efektivat e policisë rrugore në Komisariatin e Policisë Peqin, bënë të mundur arrestimin në flagrancë të Nazim Islami, 57 vjeç, banues në Kosovë.
57-vjeçari u arrestua, pasi në aksin rrugor Elbasan-Peqin, në afërsi të fshatit Bardhas, është ndaluar nga Patrulla e Policisë Rrugore, për arsye se ka qenë duke drejtuar mjetin tip Trajler me targa 06489BR, në shkelje të Kodit Rrugor.
Në momentin e ndalimit qytetari nga Kosova ka tentuar t’i japë një shumë parash punonjësit të policisë rrugore për të mos marrë masë administrative. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Korrupsion aktiv i personave që ushtrojnë funksione publike”. /a.m.
