Personi i cili u përpoq që të futej në zyrat e FBI-së në Ohio gjatë orëve të mbrëmjes së djeshme, u ekzekutua nga policia.
Sipas mediave amerikane, personi i cili është identifikuar si Ricky Walter Shiffer, tentoi të futej në një zonë ku kontrollohen personat që futen në zyrat e FBI-së.
Më pas, ai është larguar menjëherë nga vendngjarja teksa tentoi të arratisej me makinë. Policia e ka ndjekur Shiffer për 20 minuta në një zonë rurale të Ohios.
Në këtë moment, ai doli nga makina dhe hapi zjarr ndaj policisë. Efektivët e plagosën fillimisht, teksa tentuan të negociojnë me të për t’u dorëzuar.
Ai i ka kundërshtuar thirrjet e efektivëve dhe drejtoi sërish armën drejt efektivëve. Këta të fundit hapën zjarr ndaj Shiffer duke e lënë të vdekur në vend.
Ngjarja e rëndë vjen disa ditë pasi FBI-ja bastisi rezidencën e ish-Presidentit Donald Trump. Mediat amerikane thonë se kjo ka nxitur edhe Shiffer që të tentojë të futet në zyrat e FBI-së.
Në rrjetin social Truth Social, “Shiffer” kishte bërë disa pastime ku ndër të tjera, kërcënonte me vrasje agjentët e FBI-së./m.j
