Policia e Vlorës sekuestron 2 armë zjarri Pistoletë të llojit “GLOK” dhe “ZASTAVA” si dhe 20 fishekë të kalibrit 9 mm.
Policia ka kapur dhe arrestuar në flagrancë 2 poseduesit e armëve të zjarrit!
Arrestohen në flagrancë shtetasit e quajtur:
1. Ernid Dredhaj (i dëmtuar), 29 vjeç, banues në Vlorë.
2. Masimiliano Haxhiraj, 21 vjeç, banues në Vlorë.
Shërbimet e Policisë së Vlorës, në kuadër të masave të ndërmarra për ruajtjen e rendit dhe të sigurisë së qytetarëve, për kapjen e personave në kërkim apo me preçedentë penalë, kanë bërë të mundur kapjen dhe arrestimin në flagrancë të 2 personave të cilët dispononin armë zjarri.
Në orët e para të mëngjesit, gjatë kontrollit të ushtruar në një nga lokalet e natës të qytetit të Vlorës, në vendin e quajtur: Disko Rosi (4-Elementët), janë kapur në flagrancë 2 persona me preçedentë penalë: Masimiliano Haxhiraj dhe Ernid Dredhaj, të cilët dispononin me vete armë zjarri.
Në momentin kur këta persona kanë parë prezencën e Shërbimeve të Policisë, dyshohet se shtetasi: Masimiliano Haxhiraj, në tentativë për të fshehur armën e tij Pistoletë të llojit “GLOK”, ka plagosur lehtë nga pakujdesia shokun e tij, shtetasin e quajtur: Ernid Dredhaj, në pulpën e këmbës së majtë.
Sqarojmë se:
Masimiliano Haxhiraj dhe Enrid Dredhaj, njihen nga Policia si persona me preçedentë penalë e kriminalë, të përfshirë në veprat penale “Krime kundër personave” dhe “Armëmbajtje pa leje”.
