Policia e Gjirokastrës ka vënë në pranga një 18-vjeçar dhe ka shpallur në kërkim 2 persona të tjerë pasi akuzohen për tentativë vrasje. Sipas të dhënave zyrtare specialistët e Sektorit për Krimet e Rënda bënë të mundur arrestimin në flagrancë të shtetasit Lefter Dono, 18 vjeç, banues në Gjirokastër.
Gjithashtu u bë shpallja në kërkim e shtetasve me iniciale M.N. dhe O.A. pasi të tre këta shtetas në bashkëpunim me njeri-tjetrin, për motive të dobëta në një lokal në lagjen “Pllakë”, Gjirokastër kanë goditur me thikë shtetasit K. K., 22 vjeç dhe G.B., 19 vjeç ,të cilët janë jashtë rrezikut për jetën.
Materialet i kaluan Prokurorisë së Rrethit Gjyqësor Gjirokastër për veprime të mëtejshme për veprat penale “Vrasje me paramendim e mbetur në tentativë, e kryer në bashkëpunim” dhe “Prodhim dhe mbajtje pa leje e armëve të ftohta”.
BW/d.i.
