Lidhja Demokratike e Kosovës ka reaguar për zhvillimet e fundit në veri. LDK thekson se sulmet e bandave kriminale ndaj policisë, gazetarëve dhe KFOR-it tregojnë tendencat destabilizuese të Serbisë në Kosovë, institucionet e vendit si edhe vetë trupave të NATO-s në Kosovë.
Sipas LDK, mungesa e koordinimit të ngushtë për ndërmarrjen e hapave politikë, në veçanti në fushën e sigurisë, e ka vënë Kosovën në një përplasje të hapur me aleatët. LDK thekson se nga përplasja me grupet në veri, qeveria po përfundon në përplasje me Perëndimin.
“Reagimet e shteteve mike, kundër institucioneve të Kosovës, reagimet e SHBA-së, Gjermanisë, Francës, BE-së e vet NATO-s, dëshmojnë pozicionin e rëndë diplomatik e strategjik në të cilin gjendet Kosova. Në një pozicion të tillë Kosova nuk është gjendur asnjëherë më parë”, thuhet në reagim.
“Në vend të euforisë së grupeve partiake të zgjedhë rrugëtimin e vendosur euroatlantik të shtetit bashkë me aleatët. Arritjet historike të Kosovës, nga angazhimi ynë për liri, pavarësi e demokraci e deri tek përpjekjet e deritanishme për forcimin e shtetit, kanë shenjën e koordinimit dhe ecjes së përbashkët me aleatët tanë. Devijimi nga një ecje e tillë është devijim nga vet rrugëtimi euroatlantik, siç dhe është shërbim ndaj vetë kundërshtarit të shtetit tone”, thuhet më tej në komunikatë./m.j
