Me tensione është shoqëruar seanca e sotme plenare. Kreu i Partisë Demokratike, Sali Berisha debatoi me ministrin e Shtetit për Marrëdhëniet me Parlamentin, Toni Gogu.
Berisha, gjatë fjalës së tij, i quajti zyrtarët e Partisë Socialiste përfaqësues të “së keqes banale”, duke iu referuar teorisë së filozofes gjermane Hannah Arendt.
I menjëhershëm ishte reagimi i Gogut, ndërsa Berisha bllokoi foltoren pasi ministri përfundoi fjalën.
Debati:
Sali Berisha: Sot do sjell tek ju konstatimin e filozofes së shquar gjermane, Hanah Arendt, e cila vendosi të ndjekë gjyqin kundër Eichmann-it, një nazist që kishte përcjellë në furrat e djegies dhe dhomat e gazit miliona hebrenj.
Arendt u ul në seancën e gjyqit dhe ndoqi të gjitha seancat, mirëpo për habinë e atyre që prisnin konkluzionin e saj, ajo doli në përfundimin se kemi të bëjmë me banalitetin e të keqes, apo të keqen banale.
Toni Gogu: I nderuar zotëri parafolës, jemi duke folur për lëndët psikotrope dhe lëndët narkotike. Ju parashtroni një haluçinacion filozofik, duhet të kthehemi mbrapsht te receta. Do ishte mahnitur Hannah Arendt po të dëgjonte këtë fjalim, në mendjen e saj kurrë nuk pati ligjvënëns që miratojnë ligje të cilët çojnë vendin përpara në integrimin evropian. Pati shtetarë të cilët me pushtetin e tyre absolut vranë për të mbrotjur pushtetitn e tyre. Shtetarë që vranë për të mbrojtur pushtetin e tyre. Të dilni ju të flisni për banalitetin e së keqes është shembulli më i mahnitshëm i banalitetit të përgjegjshmërisë.
Sali Berisha: Unë fola për të keqen banale, për këta që janë këtu, kurse ai që është mbrapa në suitën e tij, është e keqja radikale. Dhe e keqja radikale është ligësia më e madhe njerëzore. Këta të të keqes radikale, janë njerëz të pashpirt që vjedhin qytetarët, shqiptarët.
