Ashtu siç ishte rënë dakord pas takimit të zhvilluar një javë më parë në Vlorë, sot pritet të mbahet një tjetër takim mes banorëve të Himarës, kryetarit të Bashkisë Jorgo Goro dhe ministrave Damian Gjuknuri dhe Mirela Kumbaro, lidhur me Planin e Përgjithshëm Vendor të kësaj bashkie.
Edhe pse ishte rënë dakord që më parë që të pranishëm në takim do të ishin një përfaqësi e banorëve, nuk janë të këtij mendimi banorët, të cilët kërkojnë të futen në ambientet e stadiumit të Himares, ku është planifikuar të zhvillohet dhe takimi.
Forca të shumta policie kanë rrethuar gjithë stadiumin, ku në ndihmë kanë ardhur edhe forca policie nga Vlora. Para nisjes së takimit ka pasur tensione me banorët dhe organizatorët, ndersa shume qytetare kane protestuar ndaj ministrave
Kjo për shkak se takimi është organizuar me qytetarë të përcaktuar më parë me një listë. Qytetarë të shumtë që duan të jenë prezentë kanë kërkuar të hyjnë në ambientet ku do të mbahet mbledhja.
Sipas burimeve, ka shumë qytetarë dhe shumë efektivë policie.
Ky takim do të jetë i treti mes qeverisë dhe banorëve pas atij me kryeministrin ne Tirane, me banoret dhe Omonian në Vlore dhe sipas ministrave do jete i fundit.
a.ç
