Prokurori i përgjithshëm i New Mexico ngriti të mërkurën një padi civile kundër avokatit të Jeffrey Epstein, Darren Indyke,dhe kontabilistit, Richard Kahn. Ata akuzohen se kanë lehtësuar dhe fshehur krimet e Epstein.
Padia, e ngritur në gjykatën e distriktit amerikan për distriktin e New Mexico- s , thekson se Kahn dhe Indyke janë të pandehur në cilësinë e si bashkëekzekutues të pasurisë së Epstein-it. Padia përmend gjithashtu pasurinë e Epstein-it dhe Fondin e vitit 1953, i cili mban asetet e pasurisë.
“Epstein, me ndihmën e bashkëpunëtorëve të tij, trafikoi, izoloi dhe abuzoi të mbijetuarit në vende joshëse”, përfshirë fermën e Epstein në Stanley, New Mexico , e njohur si Zorro Ranch, pretendon padia.
Më herët këtë vit, Kahn dhe Indyke i thanë komisionit të Dhomës së Përfaqësuesve të SHBA-së që po hetonte Epstein se nuk kishin dijeni për krimet e Epstein gjatë punësimit të tyre.
Padia pretendon se të dy burrat kanë përfituar personalisht nga marrëdhëniet e tyre me Epstein. Ajo pretendon se nga viti 2011 deri në vitin 2019, Indyke ka marrë më shumë se 16 milionë dollarë nga Epstein dhe entitete të lidhura me të dhe se Kahn ka marrë më shumë se 10 milionë dollarë.
Në një deklaratë të mërkurën, Raul Torrez, prokurori i përgjithshëm i New Mexico-s, tha se Epstein “nuk veproi i vetëm dhe vdekja e tij nuk i jep fund kërkimit të përgjegjësisë për njerëzit që ndihmuan në bërjen e krimeve të tij të mundshme”.
Disa të mbijetuar të abuzimit të Epstein nënshkruan një letër të mërkurën në mbështetje të padisë së Torrez.
The post Fshehje e krimeve të Epstein, padi ndaj avokatit Darren Indyke dhe kontabilistit Richard Kahn appeared first on Euronews Albania.
Burimi: Botë
