Njësia Anti-korrupsion e Kryeministrisë ka nisur një kontroll të imtësishëm në Ministrinë e Arsimit, të drejtuar nga teknikja e PD, Mirala Karabina.
Në qendër të këtyre kontrolleve kanë qenë emërimet, tenderat dhe vendimet e marrë nga kjo ministri kohët e fundit.
Burime për Report TV bëjnë me dije se grupi i anti-korrupsionit është ngritur nga njësia e posaçme pranë Kryeministrisë, me urdhër të sekretarit të Përgjithshëm të këtij institucioni, Ëngjëll Agaci.
Ministrja e Arsimit e mohon kontrollin nga Kryeministria
Grupi i kontrollit ka zbarkuar gjatë ditës së sotme në Ministrinë e arsimit, por zyrtarët e ministres teknike demokrate mohojnë t’i jenë ushtruar një kontrolli të tillë.
Grupi i anti-korrupsionit dyshon se ka disa shkelje për emërimet, shkarkimet, por edhe vendimet e tjera që janë marrë nga Ministria e Arsimit në bazë të urdhrave të Mirela Karabinës.
Mirela Karabina ka pasur përplasje në javët e fundit me Sekretarin e Përgjithshëm të Ministrisë së Arsimit, ndërsa gjatë fushatës ka pezulluar disa drejtorë dhe zyrtarë të lartë të institucionit që drejton.
Gjashtë ministrat teknik të PD dhe zv/kryeministrja vijojnë të qëndrojnë në detyrë edhe pse kanë kaluar 3 javë nga zgjedhjet parlamentare të 25 qershorit./a.m.
