Sipas MeteoAlb mot i kthjellët dhe temperatura të larta mbizotërojnë në vend deri në orët e pasdites, kur në zonat malore kryesisht veri-verilindje të Shqipërisë do të ketë kalime vranësirash, të cilat do të gjenerojnë reshje të izoluara shiu.
Orët e natës sjellin përmirësim të kushteve atmosferike duke bërë që kthjellimet të jenë dominuese në vendin tonë.
Temperaturat e ajrit ulen ndjeshëm sërish në vlerat minimale, por edhe maksimale duke luhatur vlerat ditore nga 12°C mëngjesi deri në 36°C mesdita.
Era do fryjë mesatare dhe e fortë me shpejtësi deri 45 km/h, nga drejtimi Verior – Veriperëndimor ndërsa në det të hapur krijohet dallgëzim 4 ballë.
Kosova
Alternime kthjellimesh dhe vranësirash të lehta dominojnë në të gjithë Kosovën gjatë paradites. Por mesdita sjellë shpeshtim të vranësirave duke rrezikuar në pjesën më të madhe të vendit rrebeshe afatshkurtra shiu.
Maqedonia e Veriut
Dita nis me kthjellime dhe vranësira të lehta, por duke ju afruar mesditës vranësirat shpeshtohen në të gjithë MV edhe pse nuk rrezikohen reshje.
Parashikohet që këto kushte atmosferike të vijojnë edhe gjatë mbrëmjes.
Rajoni dhe Europa
Moti i kthjellët dominon pjesën më të madhe të Europës, ku më të dukshme kthjellimet do të jenë në Rajonin e Mesdheut dhe Europën Qendrore. Ndërsa vranësira dhe shira të izoluar do ketë pjesërisht Ballkani Perëndimor dhe Europa Verilindore.
g.kosovari
