Telekom Albania, duke nisur nga e enjtja, 24 mars, do të ofrojë thirrje falas drejt të gjithë numrave fiks dhe celular të Belgjikës. Deri në fund të muajit mars, të gjithë abonentët e Telekom mund të komunikojnë nga Shqipëria me të gjithë numrat belg, pa asnjë kosto.
Kjo nismë e Telekom vjen në shenjë solidariteti në këto moment të vështira pas ngjarjeve tragjike ne Bruksel dhe synon të lehtësojë komunikimin e abonentëve të Telekom me të afërmit dhe miqtë në Belgjikë.
Gjatë paradites së të martës Belgjika u trondit nga shpërthime në aeroportin dhe në metronë e qytetit të Brukselit.
Telekom Albania qëndron pranë abonentëve të saj duke ofruar mundësi komunikimi të përshtatshme për çdo situatë. Si pjesë e grupit Deutsche Telekom, kompania synon të jetë pranë abonentëve me mundësitë më të mira të komunikimit.
