Xhesika Ndoji del përsëri në lajme, por këtë herë nuk është ajo që flet për interesimin rreth saj nga ana e deputetëve dhe ministrave. Në shtëpinë e saj, policia ka kapur një biznesmen 35-vjeçar, i cili fshihej në dollap, i veshur vetëm me mbathje, shkruan lapsi.al.
Patrulla e policisë është njoftuar nga një telefonat për vjedhje në një apartament në Unazën e Madhe, pranë punishtes së bojërave Astir. Policë të komisariatit 6 kanë shkuar menjëherë për të kapur hajdutin, por doli që ishte shtëpia e këngëtares pukjane, e cila jeton me motrën. Të dyja i sqaruan policisë se nuk ka pasur asnjë vjedhje, por blutë kanë këmbëngulur të hynin në apartament për kontroll.
Aty kanë gjetur në dollap biznesmenin, të cilit fillimisht motrat e prezantuan si këngëtar nga Kosova.
Policët e kanë shoqëruar në komisariat personin dhe aty kanë verifikuar që ai ishte një biznesmen nga veriu i Shqipërisë dhe jo këngëtar nga Kosova.
Mesa duket, dikush ka dashur të tallet me këngëtaren, ndoshta duke pasur dijeni që një mashkull ishte në shtëpinë e saj, duke i bërë policisë telefonatën për vjedhjen që nuk kishte ndodhur.
