Të paktën një person ka humbur jetën, ndërkohë që mendohet edhe për viktima të tjera, prej të shtënave me armë në Austin, kryeqyteti i Teksasit, në Shtetet e Bashkuara të Amerikës.
Sipas policisë së Austin, një person i armatosur ka hapur zjarr në qendër të qytetit.
“Incident me armë në qendër të qytetit, ka viktima të shumta. Qëndroni larg nga qendra”, thuhet në komunikatën e policisë së Austin.
Ndërkohë autori është larguar menjëherë nga vendngjarja.
Një ditë më parë, në Austin humbën jetën 16 persona, pasi balona me të cilën ata udhëtonin mori flakë dhe u rrëzua. Ende nuk dihen shkaqet e kësaj ngjarje, ndërsa autoritetet amerikane po hetojnë në disa pista.
Shqiptarja.com/d.i.
