Në përfundim të punimeve të komisionit të reformës, deputeti socialist ka parashikuar një ardhme jo të mirë për vendin, nëse reforma në drejtësi nuk kalon. Pandeli Majko tha se me draftin e saj, PD e çon diskutimin në hapat e parë, edhe pse për të ka edne shpresë, që reforma në drejtësi të përmbyllet e të votohet… përndryshe për Majkon, ne do të hyjmë në listën e shteteve të dështuara.
“Politikisht jeni në pozitë të një natyre të tillë, që është e vështirë edhe të shpjegohet me fjalë…
Sot u bënë disa propozime që e cojnë diskutimin nga e para…duke dashur të citoj një nga ekspertët ndërkombëtare, është një fakt i cuditshëm, sepse sot opozita ka përballë veten… deri dikur opozita kishte një tjetër qëndrim për, psh, Këshillin e Emerimeve… shpresoj që kjo punë të mbarojë deri ditën e hënë dhe opozita të reflektojë… përndryshe, nëse ne nuk miratojmë reformën, hyjnë në listën e shteteve të dështuara.”- tha Majko. java/ a.k
