Sigurimi i të vetëpunësuarve në bujqësi është një mënyrë për të gjithë fermerët për t’u vetësiguruar duke paguar një masë prej 38 400 lekësh në vit duke përfituar kështu pension kur të mbushin moshën e caktuar.
Riza Ashimi, specialist i përfitimeve pranë Drejtorisë Rajonale të Sigurimeve Shoqërore në Korçë, thotë se për të gjithë ata qytetarët që do të paguajnë për periudha para vitit 2025 do të aplikohen edhe kamatëvonesa për çdo ditë vonesë
“Do të vazhdojë të jetë e njëjta masë kontributi, për vitin 2025-së. Do të jetë 8 mijë e 400 lekë në vit e më pas Sigurimi nëse do të mbulojnë periudha para 2025 për çdo ditë vonese do të ketë edhe kamatvonesa”, tha Ashimi.
Të gjithë fermerët që do kryejnë pagesa sigurimi si të vetëpunësuar në bujqësi për vitin 2025 do të paguajnë edhe sigurim shëndetësor.
“Për vitin 2025 zonat malore dhe ato fushore, përveç sigurimit shoqëror do të paguajë edhe atë shëndetësorë, që është i detyrueshëm. Nëse do të mbulojnë periudha para vitit 2025-së, do të paguajnë vetëm sigurimet e kontributit shoqëror”, theksoi ai.
Ashimi gjithashtu bën me dije se edhe gjatë vitit që lamë pas të vetëpunësuarit në bujqësi kanë treguar interes të lartë, për pagesën e kontributeve për sigurimet shoqërore dhe shëndetësore për të siguruar një pension pleqërie.
