Vijojnë lëvizjet në Policinë e Shtetit në kuadër të intensifikimit të luftës ndaj krimit e drogës. Sot janë firmosur disa lëvizje në Tiranë dhe disa qarqe nga Drejtori i Përgjithshëm i Policisë së Shtetit, Ardi Veliu.
Në Tiranë janë emëruar dy lëvizje në komisariate. Komisar Gilbert Hoxha, me detyrë Shef Sektori, në Sektorin për Hetimin e Krimeve të Rënda ndaj Jetës dhe Pronës, në Drejtorinë Vendore të Policisë Tiranë është caktuar përkohësisht në detyrën Shef i Komisariatit të Policisë Nr.2.
Kryekomisar Pal Marku me detyrë Specialist në Njësinë për Hetimin e Krimeve ndaj Personit dhe Pasurisë në Drejtorinë Hetimore Qendrore në Departamentin e Policisë së Shtetit, është caktuar përkohësisht në detyrën Shef i Komisariatit të Policisë Nr.6. në Tiranë shkruan Shqiptarja.
Ndërsa Nënkomisar Neritan Boçi, nga shef i Komisariatit të Policisë Nr.6 emërohet në detyrën Specialist në Seksionin për Hetimin e Krimeve ndaj Jetës dhe Pronës, në Drejtorinë Vendore të Policisë Tiranë.
Ndërkohë që përpos Tiranës ndryshime janë firmosur nga Drejtori i Përgjithshëm edhe në qarqe në nivel zv/ drejtorësh. Hamdi Fiora emërohet zv/ drejtor në Korçë, Arjan Ferri në Berat, Erzen Cera në Dibër, Skënder Hita në Shkodër, Adriatik Tavciu në Lezhë, Koço Dafa në Gjirokastër dhe Ervin Ndreu nga shef komisariati në Krujë është emëruar zv/ drejtor në Durrës në vendin e Bajram Marës.
Të gjitha lëvizjet në Policinë e Shtetit
Gilbert Hoxha shef i Komisariatit Nr. 2 në Tiranë
Pal Marku shef i Komisariatit Nr. 6 në Tiranë
Neritan Boçi nga shef te Komisariati Nr. 6 emërohet specialist
Emërimet në nivel zv/ drejtorësh
Hamdi Fiora në Korçë
Arjan Ferri në Berat
Erzen Cera në Dibër
Skënder Hita në Shkodër
Adriatik Tavciu në Lezhë
Koço Dafa në Gjirokastër
Ervin Ndreu në Durrës
