Sipas dekretit të presidentit Ilir Meta Parlamenti do të mblidhet të shtunën më 9 shtator në orën 10.00. Në këtë seancë do të bëhet betimi i deputetëve dhe zgjedhja e kryetarit të ri të Kuvendit.
Sipas rregullores seanca do të drejtohet nga deputeti më i vjetër i Kuvendit, që është Sali Berisha. Por ai është shprehur dhe më herët se nuk dëshiron të drejtojë seancën, dhe në radhë deputeti më i vjetër është Tritan Shehu. E nëse edhe ky i fundit refuzon gjithçka do të drejtohet nga Gramoz Ruçi i cili i bie i treti në radhë.
Në orën 10:00 pritet të ngrihet këshilli i verifikimit të mandateve, ndërsa në seancën e orës 18:00 do të betohen deputetë dhe do të zgjidhet kryetari i Kuvendit.
Mësohet se këtij varianti i kanë mëshuar tre partitë e mëdha PS, PD dhe LSI.
Ndërkohë, nesër LSI mbledh grupin parlamentar dhe një ditë më pas edhe PS e PD, për të konkretizuar zyrtarisht qëndrimet e tyre nëse do ketë dy seanca brenda ditës.
a.ç
