Autoritetet në Mississippi të SHBA-së njoftojnë se katër persona janë vrarë në një incident me të shtëna me armë, pas një mosmarrëveshje në një lokal nate në Yazoo City.
Shefi i Policisë në Yazoo City, Andre Lloyd, ka thënë se katër meshkuj janë vrarë sot në mëngjes pas një konflikti në klubin e natës “Club 66”.
Dy nga ta janë deklaruar të vdekur në vend, ndërsa dy të tjerët janë dërguar në spital, ku kanë vdekur nga plagët.
Nuk dihet se çfarë e ka shkaktuar mosmarrëveshjen. Identiteti i viktimave nuk është bërë i ditur./a.m.
