Një djalë i ri në Burrel ka qëlluar me armë zjarri në ajër, duke krijuar momente paniku.
Nën akuzë është vënë L.M., 17 vjeç, banues në Burrel, i cili ka qëlluar me armë, mbrëmjen e kësaj të premteje.
Ai u vu në prangat e policisë pasi në lagjen “Drita”, të qytetit Burrel, dyshohet se ka qëlluar me armë zjarri pistoletë në ajër dhe më pas është larguar.
Nga hetimet e policisë së Matit u arrit të identifikohet dhe arrestohet autori i dyshuar i kësaj ngjarje.
Aktualisht vijon puna për gjetjen e armës që ka përdorur i riu, ndërkohë që materialet iu referuan Prokurorisë së Matit për veprat penale “Prodhim e mbajtje pa leje të armëve luftarake” dhe “Prishje e qetësisë publike”./a.m.
