Një efektiv policie ka mbetur i plagosur mbrëmjen e sotme në Tiranë si pasojë e disa të shtënave me armë zjarri.
Mësohet se ngjarja ka ndodhur rreth orës 19:45 të mbrëmjes së sotme pranë ish Parkut të Autobusëve, pranë një lokali, ndërsa polici i plagosur është Ermal Bregu.
Oficeri i policisë, pjesë e strukturës së hetimit të krimeve në kryeqytet është qëlluar në pjesën e barkut, ndërsa është dërguar në spital.
Burime nga Spitali i Traumës raportojnë se i plagosuri është jashtë rrezikut për jetën.
Sipas policisë efektivi eshte konfliktua me dy persona dhe kishte mbaruar shërbimin. “Ngjarja nuk ka lidhje me punën e tij. Ai është jashtë rrezikut për jetën“, deklaron policia
Njoftimi i policisë
Më datë 28.11.2017, rreth orës 19.35, në Sallën Operative ka ardhur një telefonatë se në rrugën “Kongresi i Lushnjes”, ka patur të shtëna me armë zjarri.
Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Kongresi i Lushnjës”, tek ish parku i autobuzave përballë një lokali, shtetasi E.B, rreth 33 vjeç, punonjës policie i Komisariatit te Policise Nr 1 Tirane, por jashtë orarit të sherbimit ka debatuar me dy shtetas banore të lagjes.
Në konflik e sipër njëri prej tyre ka qëlluar me armë zjarri ku për pasojë ka mbetur i plagosur shtetasi E.B.
Shtetasi E.B., është derguar në spital dhe ndodhet nën kujdesin e mjekëve.
Grupi hetimor po punon për sqarimin e plotë te rrethanave të ngjarjes dhe identifikimin e kapjen e autorëve.
a.ç
