Kreu i mbikëqyrësit bërthamor të botës ka ofruar të fluturojë për në Çernobil për të takuar zyrtarët rusë dhe ukrainas në përpjekje për të shmangur një katastrofë në Evropë. Shefi i Agjencisë Ndërkombëtare të Energjisë Atomike Rafael Grossi ka kërkuar që të takojë zyrtarët ukrainas dhe ata rusë për të shmangur katastrofën që mund të shkaktojë shpërthimi i centralit bërthamor në Ukrainë, veçanërisht ai i Çernobilit.
Grossi ka deklaruar se situata është krejt e paqëndrueshme dhe do të ishte katasfrofë për Evropën nëse një nga centralet bërthamore do të shpërthente.
“Jam jashtëzakonisht i shqetësuar. Kjo është diçka që është shumë, shumë e brishtë, shumë e paqëndrueshme si situatë. Tani për tani, ne kemi këtë anomali, nëse mund ta them kështu”, është shprehur ai. Kjo kërkesë vjen një ditë pasi forcat ruse goditën termocentralin bërthamor të Zaporizhzhia duke shkaktuar panik masiv për potencialin për një katastrofë duke bërë që Joe Biden të mbajë një telefonatë natën vonë me liderin e Ukrainës, shefin e Agjencisë Ndërkombëtare të Energjisë Atomike (IAEA), Rafael Grossi, cili ka kërkuar edhe ndërmjetësimin për një marrëveshje midis dy palëve.
