Policia belge mundi të arrestonte tre hajdutë në lagjen Nekkerspoel të Mechelen. Një banor lokal ka vënë re disa persona të dyshimtë dhe me ndihmën e një droni janë arrestuar tre shqiptarë. Burrat posedonin pajisje për vjedhje dhe ndodheshin në mënyrë të paligjshme në Belgjikë.
Ka qenë një banor i Zierikzeestraat, i cili ka vënë re disa persona të dyshimtë mbrëmjen e së mërkurës. Sipas burrit, të huajt i kushtuan një vëmendje të madhe makinave dhe shtëpive në rrugë. Më pas ai ka lajmëruar policinë, e cila ka mbërritur menjëherë në vendngjarje.
Policia ndërhyri në Kleine Nieuëedijkstraat dhe treshja u arrestua. Shqiptarët janë të moshave 19, 31 dhe 50 vjeç. “Ata duket se kishin në posedim pajisje për vjedhje si kaçavidë, doreza dhe elektrik dore,” thotë Van de Sande. Ata gjithashtu dhanë një histori jokoherente për praninë e tyre në rajon dhe po ashtu qëndronin ilegalisht.
Personat e përfshirë janë transferuar në komisariat për hetime të mëtejshme dhe janë vënë në dispozicion të prokurorisë publike dhe Zyrës së Emigracionit.
