Kryeministri i vendit Edi Rama dhe ministri i Ekonomisë, Kulturës dhe Inovacionit, Blendi Gonxhja zhvilluan një takim me biznese dhe punonjës në ambientet e Tirana Industrial Park.
Pika kyçe e diskutimit ishte strategjia dhee politikat e punësimit dhe aftësimit të forcës së punës me qëllim ndërtimin e një tregu pune më të fortë dhe të qëndrueshëm.
Kryeministri Rama gjatë fjalës së tij u shpreh se sot Shqipëria po përjeton një kthesë për të cilën ka pasur përpjekje për një kohë të gjatë. Rama u ndal tek prodhimi i makinave ushtarake “Made in Albania”.
“Dua të them disa gjëra kyçe lidhur me situatën e punës në tërrësi dhe me perspektivën që është shumë optimiste, për shumë arsye, por mbi të gjitha për faktin që sot Shqipëria po përjeton një kthesë për të cilën jemi përpjekur një kohë të gjatë dhe tani kthesa është në dinamikën e vet.
Besoj që dje kemi arritur ta kurorëzojmë në linjat e përgjithshme këtë partneritet në fushën ushtarake që besoj se do të bëhet publik së shpejti dhe do të sjellë në Shqipëri jo vetëm qindra milion investime në industrinë ushtarake që po e krijojmë nga e para dhe do ta bëjë Shqipërinë falë Arielës dhe kompanisë, por prodhimet do të jenë “Made in Albania” dhe Shqipëria do të eksportojë makina ushtarake të gjeneratës së fundit. Kjo është diçka që ndodh sot, por nuk mund të ndodhte para disa vitesh. Janë eëdhe disa iniciativa në proces dhe unë jam optimist që do të na japin mundësinë që jo vetëm të prodhojmë për Forcat e Armatosura, por do të na japin mundësinë që përveç të krijojmë të ardhura, pasi zgjedhja jonë strategjike është që të blejmë jashtë vetëm ayto gjera shumë të veçanta, ndërkohë që një pjesë të madhe ta mbulojmë me prodhimin e këtushëm duke krijuar një front punësimi për vajza dhe djem të arsimuar që të kenë paga të larta”, deklaroi kreu i qeverisë.
Ndër të tjera Rama shprehet se ka pasur rritje të pagave mesatare dhe minimale ku gjithashtu u ndal edhe tek prodhimi i përgjithshëm. Gjithashtu Kryeministri theksoi se sot kemi nivelin më të ulët historik të papunësisë.
“Nga ana tjetër ne hymë këtu nga dera e kësaj kompanie këtu ku paga minimale është 700 Euro dhe flasim për sanitarë e ndihmës që duke marrë dijet e nevojshme pas një periudhe rriten në pagë. Ndërkohë që paga mesatare këtu është 1000 Euro ku sot në Shqipëri kemi një pagë mesatare 830 Euro. Kemi pasur një prodhim të përgjithshëm nën 10 miliardë Euro dhe sot e kemi prodhimin e përgjithshëm në rendin e afro 25 miliardë Euro dhe kjo është rritur nga puna dhe jo nga një arsye tjetër. Sot kermi nivelin më të ulët historik të papunësisë, 8.8%”, shprehet Rama.
