Një prej ortakëve në biznes të ish-këshilltarit të Trump, Michael Flynn, ka dalë para gjykatës nën akuzën përfshirjeve në lobime ilegale në Turqi.
Bëhet fjalë për Bijan Kian, i cili akuzohet si agjent i një qeverie të huaj dhe konspiracion, pasi tentoi të ekstradonte klerikun Fetullah Gylen.
Sipas Washington Post, Kian është shfaqur në gjykatën federale të Aleksandritë këtë të hënë. Kjo ishte dhe dalja e tij e parë publike, pas një sërë akuzash.
Gjithashtu i akuzuar është edhe Ekim Alptekin, njeriu që pagoi Kian dhe Flynn. Ai mbetet në arrati dhe autoritetet nuk kanë mundur ta nxjerrin para një gjykate.
Alpetkin njihet edhe në Shqipëri si personi dëshmitar në dasmën e Lulzim Bashës. Dyshohet se ai sëbashku me Kian kanë ndikuar për të krijuar një opinion negativ mes amerikanëve sa i përket Fetullah Gylenit.
Sot, nëse kërkon emrin e tij, të del i atashuar në mijëra artikuj që flasin se si ky njeri ka paguar për të implikuar SHBA-të në historitë e luftës për pushtet në Turqi, në rrëmbimin e Fetullah Gulen, në devijimin e axhendës anti- ISIS, në rritje të influencës ruse në SHBA dhe në çuarjen e Lulzim Bashës, për të bërë një foto me Trump.
Momentalisht tensionet janë në pikën kulmore mes SHBA dhe Turqisë. Thuhet se presidenti Trump dhe administrata e tij po punojnë për ekstradimin e Gylenit drejt Turqisë, që e kërkon për përfshirjen në grushtin e shtetit të dy viteve më parë.
/javanews/a.rada
