Edhe pse diskuri politik i PD ka qenë i tillë që të linte hapur të kuptoje se edhe pas votimit të reformës prej presionit të pazakontë ndërkombëtar (deri të kërcënimi i SHBA me “listën e zezë” për ata që nuk e votojnë draftin kushtetues), PD do bëjë çmos që ta delegjitimojë këtë proces.
Dhe ka nisur më kryetarin e Komisionit për reformën, Fatmir Xhafaj. Duke anatemuar vëllain e tij në një kohë kur kurrë se ka përfolur më parë.
Pse sot, pse pas miratimit të reformës?
Sepse ndodhen përpara një reforme që rrezikon të “presë koka”. Të presë lidhjet me krimin, lidhjet e PD-së me prokurorë e gjykatës të kamur dhe shërbëtorë të partisë që i vuri në ato karrige dhe ju dha në dorë çekiçin. Çekiç i cili ka shtypur papushim kokat e qytetarëve shqiptarë.
E bënë edhe me ambasadoren Vlahutin, do e bëjnë edhe me amabsadorin LU. Një zot e di se ku do përfundojnë, por shihet qartë që frika ju ka verbuar sytë dhe po godasin qorrazi, pa argument, por me gjuhën e ashpër të liderit të tyre, I cili siç e kemi thënë ka 25 vjet që ndaj atyre që janë kundër tij (i quan armiq jo kundërshtarë), përdor fjalët më të rënda, pa patur asnjë argument. Pra, “shpif shpif se diçka do të mbetet”.
Sot PD konfirmoi me zë dhe me figurë atë që prej ditësh portali Lexo.al ka shprehur, kur doli dhe tha me anë të zëdhënëses se probemi i tyre është komisioni i reformës.
“Fatmir Xhafaj nuk mund të vazhdojë të jetë më pjesë e këtij komisioni, aq me tepër ta drejtojë atë. Komisionit për Reformën në Drejtësi duhet t’i rikthehet menjëherë legjitimiteti me largimin nga drejtimi të vellait të trafikantit ndërkombëtar të drogës, Agron Xhafaj.”, u shpreh sot PD duke pranuar publikisht se në fakt këto sulme ndaj Xhafajt janë për ta hequr atë nga procesi i reformës, njëlloj siç tentuan me Vlahutin. Sepse, nuk duan që reformat ë fillojë të zbatohet.
Ndaj krijojnë “viktima” që t’i përdorin për të ushqyer interesin e tyre të moszbatimit të reformës, duke rrezikuar kështu interesin e aspiratat e vendit!
PD doli dhe recitoi akuzat e përsëritura ndaj vëllait të Xhafajt, meqë akoma nuk kanë vendosur t’i bien ambasadorit Lu. “I biem Xhafajt që të mos ketë besueshmëri reforma. I biem Vlahutin që të dëgjojë LU, ju biem të gjithëve që reforma të mos bëjë përpara”. Halli i madh mbetet reforma, ndërkohë Xhafaj, Lu, Vlahutin janë thjeshtë dhe vetëm element përbërës të reformës që i kanë dhënë asaj jetë dhe shqiptarëve shpresë. / lexo.al
