Ambasadori i SHBA-së Donald Lu ka zgjedhur sërish të përdorë mesazhe të forta për t’ju drejtuar politikanëve dhe sistemit të drejtësisë, duke thënë se situate me krimin e organizuar në Shqipëri është e rëndë.
Në fjalën e tij në konferencën për Luftën kundër krimit të organizuar Ndërkombëtar, në qendrën Marshall, ambasadori tha se është e rrallë të shohësh që të akuzuarit për drogë të përballen me drejtësinë.
“Të akuzuarit për drogë rrallë përballen me drejtësinë, Shembull është Emiliano Shullazi, që u arrestua vetëm kohët e fundit. Megjithatë Shqipëria ka nivelin më të lartë të mosndëshkimeve, bosët e krimit lëvizin lirisht për shkak të lidhjeve me politikën.
Edhe në SHBA ka qënë Al Kapone, që kishte një pasuri prej 20 milionë dollarësh të ndërtuar nga prostitucioni dhe droga dhe e bëri nga lidhja me politikën dhe gjyqësorin. Situata në Shqipëri është e rëndë. Besoj se reforma në drejtësi do të ndëshkojë të inkriminuarit.”- tha Lu.
Në lidhje me politikanët e inkriminuar ambasadori amerikan ka folur në emër të qytetarëve duke deklaruar se shqiptarëve u ka ardhur në majë të hundës kjo çështje. Lu ka paralajmëruar se vetëm burgu i pret të inkriminuarit që kërkojnë të hyjnë në politikë.
“Popullit shqiptar i ka ardhur në majë të hundës nga kriminelët në politikë. Ky është një paralajmërim për të inkriminuarit që tentojnë të hyjnë politikë: Do të përfundoni në burg. Shqipëria do të jetë e suksesshme me ndihmën e partnerëve.”- ka theksuar Lu.
vijon… /java/a.k
Kush e vrau mafiozin Santos? Dihet jane dy politikane qe donin te vrisnin njer-tjetrin per te fshehur gjurmet.
Te gjithe e dine qe ceshta Meta-Doshinuk ishtefantazi por e lidhur me ngjarjen e Santo-s