Vazhdojnë shpërthimet në vullkanin Popocatepetl në Meksikë. Në deklaratën e bërë nga Qendra Kombëtare e Meksikës për Parandalimin e Fatkeqësive (CENAPRED), thuhet se 12 shpërthime të reja ndodhën në vullkanin Popocatepetl në 24 orët e fundit, dhe daljet e gazit dhe hirit u regjistruan 199 herë.
Në deklaratë, u raportua se hiri nga gryka e vullkanit u përhap në drejtimet lindore dhe juglindore me efektin e erës, dhe u tha se reshjet e hirit kanë ndodhur në qytetin e Atlixco, i cili ndodhet në juglindje të vullkanit.
Vala goditëse e shfaqur gjatë shpërthimit të vullkanit është regjistruar moment pas momenti nga kamerat që shikonin vullkanin.
Zyrtarët deklaruan se aktiviteti shpërthyes në Popocatepetl do të vazhdojë në një shkallë të moderuar dhe paralajmëruan të qëndrojnë larg kraterit të vullkanit.
Këtë vit, numri i shpërthimeve arriti në 308. Me 12 shpërthimet e përjetuarasw fundmi në vullkanin Popocatepetl, ku shpërthime ndodhin pothuajse çdo ditë, numri i shpërthimeve këtë vit është rritur në 308.
/a.r
