Ura prej xhami Sky Road në provincën Liaoning në Kinë është një nga objektet më tërheqës për turistët. Është e mahnitëshme, por kur hipën atje ndjenja që mbizotëron është frika. Nuk mund të jetë ndryshe, kur nën këmbë ke vetëm xham (edhe pse i pathyeshëm) në lartësinë 700 metra.
Sky Road nuk është e vetmja, pasi urat prej xhami kanë hyrë në modë në Kinë vitet e fundit.
Vjet u hap ura më e gjatë prej xhami, në provincën Hunan.
Ajo qëndron në lartësinë 300 metra dhe është ura më e gjatë prej xhami në botë.
Ndërkaq, frika është e justifikuar, jo vetëm për shkak të lartësisë, por edhe sepse aksidentet kanë ndodhur.
Tetorin e kaluar, një grup turistësh kinezë panë gjithë tmerr se si u shkërrmoq njëri prej paneleve prej xhami në ballkonin transparent në malin Yuntai, në provincën Henan. Lartësia? Mbi 1000 metra.
