Eurodeputeti Knut Fleckenstein pas Metës, Ruçit e Bashës ka takuar edhe kryetaren e LSI, Monika Kryemadhi.
Takimi mes eurodeputetit dhe Kryemadhit është zhvilluar në selinë e LSI, ndërsa në qendër të bisedës ka qenë integrimi dhe reformat që duhet të ndërmarrë Shqipëria.
Kryemadhi ka deklaruar se LSI mbështet reformën zgjedhore dhe gjithçka që lidhet me integrimin e Shqipërisë në BE.
“LSI do të mbështesë në Kuvend gjithçka lidhet me Integrimin Evropian. Mbështesim një reformë të vërtetë zgjedhore, 25 qershori, një histori e shëmtuar e deformimit të votës së shqiptarëve. Është momenti që ti jepet fund farsës me reformën zgjedhore. Dekriminalizuam parlamentin, tani misioni ynë të dekriminalizojmë votën e shqiptarëve” deklaroi Monika Kryemadhi./a.m.
