Kanë kaluar dy muaj e gjysmë pas rënies së regjimit të Bashal Al-Assadit në Siri, e tashmë vendi po udhëhiqet nga revolucionari Ahmed Al-Sharaa i njohur me emrin e luftës Abu Mohammad al-Julani.
Gazetari Xhemal Rexha ishte këtë të mërkurë një raportim nga rrugët e Damaskut për Euronews Albania. Ai tha se njerëz të armatosur pa uniformë ruajnë qytetin.
Sipas tij sirianët janë të ndarë në lidhje me opinionet e tyre për qeverinë e re, disa e shikojnë të ardhmen me optimizëm, ndërsa të tjerë kanë shumë pikëpyetje se si kjo organizatë e sanksionuar do të qeverisë vendin. Rexha tha gjithashtu se në Damask ka edhe shumë shqiptarë.
“Ka gjenerata të tëra shqiptarësh që janë vendosur në Siri para shumë viteve. Ka mes tyre luftëtarë dhe një pjesë e tyre kanë ardhur për të ndihmuar administratën e re.
Një prej tyre është në mesin e 5 të huajve që janë graduar në gradat më të larta, kolonel, një shqiptar nga Maqedonia e Veriut, është graduar nga Al-Sharaa.
Shumica e tyre janë nga Kosova apo nga Maqedonia e Veriut, ata priten të jenë pjesë e riorganizimit të organizatës që çliroi Sirinë”,-tha Rexha.
Duke treguar se si ndihet tashmë atmosfera në Siri gazetari tregoi:
“Dita këtu është normale. Qeveria e forcave të Assadit i kishin larguar më tutje brenda Sirisë, forcat rebele dhe kundërshtare.
Ndaj jeta ishte normal, por njerëzit kishin frikë se ishin nën diktatorë dhe kishin reprezurë të jashtëzakonshme, por kishin një lloj vazhdimësie normale.
Por tani ka liri. Ka liri dhe pak kaos në përpjekje për të kuptuar se si do të jetë vazhdimi”.
