Ministrja e drejtësisë Etilda Gjonaj ka bërë një bilanc të Task-Forcës Antikorrupsion gjatë raportimit të saj në Komisionin e Integrimit.
Gjonaj tha se deri më tani Task-Forca ka monitoruar 80 institucione, duke dhënë 369 masa administrative dhe 544 masa disiplinore. Sipas Gjonajt, janë dërguar në prokurori 36 zyrtarë.
“Shifrat e Task Forcës, kemi 80 instutucione të monitoruara. Janë marrë 396 masa administrative, 544 masa disiplinore. Ndërkohë që 36 punonjës të kallëzuar penalisht në prokurori”, tha Gjonaj.
Ministrja kërkoi bashkëpunimin e parlamentit për miratimin e akteve nënligjore të paketës së reformës në drejtësi.
‘’Kemi përgatitur të gjitha aktet nënligjore për paketen e rëformës në drejtësi. Me ngritjen e KLGJ dhe KLP, e gjithë paketa me 10 aktet ligjore do miratohet në këshillin e ministrave për të bërë funksionale zbatimin e plotë të reformës në drejtësi. Dy ligjet e pamiraturara të reformës në drejtësi, kërkojnë bashkëpunimin e deputetëve. Ligji për statusin e magjistratit”, tha Gjonaj.
g.kosovari
