Në një intervistë ekskluzive për emisionin “Shqip” nga Rudina Xhunga, ideatori dhe një nga realizuesit e projektit TAP, Naskë Afezolli ka folur për marrëveshjen që Shqipëria ka bërë më TAP-in. Afezolli shprehet se në Shqipëri kalon TAP dhe se ne nuk përfitojmë gaz prej tij. Për shkak të marrëveshjes që është firmosur nga pala shqiptare. Kjo marrëveshje e la Shqipërinë pa asnjë përfitim.

“Kur u bënë negociatat e qeverisë shqiptare me TAP, isha drejtues i EGL-së për tregjet e Europës lindore, isha drejtues për të lobuar për TAP-in por jo brënda grupit negociator të TAP-it. Nuk isha në grupin negociator të TAP-it kur u bënë negociatat me Shqipërinë. Nga ana shqiptare në negociatat që u bënë ishin LSI me përfaqësues ministrin Dritan Prifti ndjesë pastë, por ishte totalisht i papërgatitur.

Naskë Afezolli dhe Bardhyl Reso folën në emision edhe për rinegocimin e kësaj marrëveshje nga ana e ministrit socialist Gjiknuri. Por edhe pas këtij rinegocimi Shqipëria nuk përfitoi asgjë. Shqipëria vijon të mos përfitojë nga tranziti FE dhe të ketë një TEC në Vlorë i cili nuk ka asnjë mundësi përdorimi për shkak të mungesës së gazit. Pra TAP në Shqipëri është anës lumit i palarë”, shprehet ne intervistën ekskluzive për Dritare TV, ideatori dhe një nga realizuesit e TAP, Afezolli./Dritare.net