Një nga peshkopët francezë që ishte pritur nga Papa një javë më parë në pallatin apostolik në Vatikan për vizitën ad limina të episkopatës (e cila zhvillohet çdo pesë vjet) doli pozitiv me koronavirus. 28 peshkopët e tjerë që e shoqëruan, tani janë futur në karantinë.
Lajmi u raportua nga gazeta franceze La Vie. Izolimi i karantinës është një masë që merret menjëherë.
Nga fotografitë e disponueshme në atë kohë, është e qartë se janë marrë të gjitha masat e nevojshme në Vatikan për të shmangur kontaktin e ngushtë, siç janë karriget e vendosura mirë në një dhomë të Pallatit Apostolik, në mënyrë që të kenë të paktën një metër hapësirë.
Megjithatë nuk dihet nëse në fund të audiencës Papa përshëndeti secilin peshkop me një shtrëngim duarsh dhe një fjalim të shkurtër, si gjithmonë. Sipas gazetës franceze, ai do ta kishte bërë atë vetëm me disa prej tyre.
Grupi përbëhej nga 29 persona. Përveç dëgjimit në Santa Marta, ata patën takime me disa zona të tjera në Vatikan, siç ndodh gjithmonë në këto raste.
/a.r
