Detaje rrëqethëse kanë dalë në dritë nga një investigim i medias amerikane, CNN për ushtarët e Koresë së Veriut të cilët po luftojnë në Ukrainë. Ushtarët ukrainas tregojnë për CNN, se koreano-veriorët përdorin metoda të paimagjinueshme vetëm për të mos rënë në duart e ukrainasve. Këtu përfshihet shpërthimi i një granate në fytyrë në mënyrë që të mos kapet nga ukrinasit. Përdorimi i një shoku ushtar për të joshur dronët e sulmit. Heqja e pllakave të armaturës së trupit dhe helmetave për të mundësuar vrasjen, si the shkrime të premtimeve për besnikëri ndaj liderit suprem të Koresë së Veriut, Kim Jong Un.
Këto janë taktikat brutale dhe gati vetëvrasëse të ushtarëve të Koresë së Veriut, të cilët, që nga nëntori, janë dislokuar për të zmbrapsur inkursionin e Ukrainës në rajonin kufitar rus jugor të Kurskut.
Në një video, të ndarë me CNN, një ushtar ukrainas i afrohet një ushtari të plagosur koreano-verior i cili ishte shtrirë me fytyrë poshtë, gjatë përleshjeve. Ndërsa ukrainasi tërheq këmbën e ushtarit të Koresë së Veriut për të parë nëse ai është ende gjallë, koreano-veriori lëshon një ulërimë në gjuhën koreane përpara se të shpërthejë një granatë pranë kokës së tij. Ligjvënësit e Koresë së Jugut u thanë nga shërbimi i inteligjencës së vendit, të cilët kanë ofruar ndihmë për Kievin, se ushtari në fjalët e fundit të videos ishin: “Gjenerali Kim Jong Un”.
“Ata përdorin granata, që do të thotë se mund të hedhin në erë veten,” tha Pokemon, një ushtar ukrainas. Trupat ukrainase kanë marrë mostra të ADN-së – tamponat e pështymës dhe tufë flokësh – nga të vdekurit, të cilat ata thanë se treguan se ata ishin të nxjerrë nga Azia Lindore dhe dhanë prova të mëtejshme të përfshirjes së Koresë së Veriut. CNN pa disa shënime dhe letra të tjera që ushtarët ukrainas gjetën në trupat e ushtarëve të tjerë të Koresë së Veriut. Një fletë letre është e mbushur me premtime për besnikëri ndaj liderit të Koresë së Veriut Kim Jong Un dhe për fitore në betejë. Është e paqartë nëse shënimet kishin për qëllim të theksonin besnikërinë e ushtarit nëse vritet në betejë për të mbrojtur familjet e tyre të mbijetuara, apo nëse me të vërtetë pasqyron mentalitetin e tyre.
Deri në 12,000 ushtarë të Koresë së Veriut janë dërguar në Rusi, sipas raporteve të inteligjencës perëndimore, të cilat thonë se rreth 4,000 trupa janë vrarë ose plagosur.
