Kryetari i PD-së Lulzim Basha deklaroi pas takimit me përfaqësuesen e lartë të BE-së Mogerini se e ka njohur atë me kërkesat e opozitës që kanë të bëjnë me krijimin e një qeverie teknike. Sipas tij, ka dështimin të reformës zgjedhore, inkriminim të qeverisë.
“I thashë duam zgjedhje me qeveri teknike. Kjo është alternativa jonë. Qeveria teknike të krijojë kushte për zgjedhje të lira e të ndershme. Kauza jonë ka mirëkuptim nga të gjithë ata që i duan të mirën Shqipërisë. Kjo është e vetmja rrugëdalje. Çdo rrugë tjetër e çon vendin në humnerë”, deklaroi Basha.
Kreu i PD bëri të ditur se pavarësisht kërkesave të BE dhe SHBA, PD nuk do të shkojë në Kuvend ditën e hënë për ngritjen e komisionit të vettingut.
“Nuk do të shkojmë në Kuvend. Parlamenti ynë është sheshi”, deklaroi Basha.
ma.me
