Kryetari i Kuvendit, Ilir Meta, është takuar me kryetarin e Partisë Demokratike, Lulzim Basha, menjëherë pas deklaratës së fortë të ambasadorit të SHBA, Donald Lu. Takimi po zhvillohet në hotel Rogner, aty ku më parë u takua kryeministri Edi Rama me deputetët e PDIU, Shpëtim Idrizi dhe Aqif Rakipi.
Meta shoqërohet në takim nga kryetari i grupit parlamentar të LSI, Petrit Vasili, ministri i Drejtësisë, Ylli Manjani, dhe Sokol Dervishaj.
Basha shoqërohet nga kreu i grupit parlamentar demokrat, Edi Paloka.
Pas takimit, Basha falënderoi Metën për përpjekjet e tij për gjetjen e konsensusin.
“Sot u kuptua se kush e do Reformën dhe kush nuk e do. Është prishur marrëveshja për të cilën ramë dakord. Është një përpjekje ogurzezë për të prishur konsensusin”, tha Basha, i cili bëri thirrje për të shpartalluar komplotin e Ramës për të prishur Reformën.
d.i.
