Kryeministri i Serbisë, Aleksander Vuçiç, ka bërë të ditur se shumë shpejt do të presë në takim kryeministrin e Shqipërisë, Edi Rama dhe siç ka thënë, shqiptarët nga Kosova.
Vuçiç i ka bërë këto deklarata gjatë konferencës së përbashkët me zëvendës/presidentin e SHBA-¬së, Joseph Biden, i cili po qëndron për vizitë të shkurtër në Beograd.
Kryeministri serb ka deklaruar se gjatë bisedës më zëvendës/presidentin Biden, kanë folur edhe për raportet mes serbëve dhe shqiptarëve.
“Duam që shtetin tonë ta zhvillojmë, por normalisht edhe t’i ruajmë interesat tona nacionale”, ka thënë Vuçiç, transmeton lajmi.net.
Ai gjithashtu ka pohuar se në takim me Biden ka biseduar edhe për të gjetur mënyrën që t’i përmirësojnë raportet, të dëmtuara nga shumë gabime.
“Për ne si Qeveri por edhe për mua personalisht nuk ka qenë problem që të marrim përgjegjësinë për gabimet e bashkëkombësve. Këtë duhet ta bëjnë edhe të tjerët, janë vrarë shumë serbë e shqiptarë. Duhet të merremi vesh e jo të shikohemi përmes nishaneve”, ka thënë Vuçiç.
