Teksa në parlament kanë nisur debatet e ashpra për çështjen e Teatrit Kombëtar, kryeministri Rama është shfaqur në në aktivitetin “Forca e Ligjit në Zbatim, Arritje e Sfida”.
Gjatë fjalës së mbajtur, Rama theksoi se vendi do punojë me shpejtësi për përmbushjen e gjithë rekomandimeve nga KE. Por, ai i ndal edhe tek disa rezultate konkrete që sipas tij janë arritur në këto vite.
Shefi i qeverisë u fokusua te barazia e qytetarëve përpara ligjit, dhe këtu u ndal edhe tek sjellja e mazhorancës për rastin ‘Tahiri’.
Ai tha “se ishte para katër vite koha kur një ministër mbrohej. Por sot jo vetëm që nuk u mor në mbrojtje, por u bë ndarje e qartë mes politikës e drejtësisë”.
Po ashtu, Ramam tha se ishte vetëm para katër vitesh e përhapur në masë paprekshmëria për zyrtarët e lartë. Por, sot sipas tij kjo situatë ka ndryshuar.
“Sot ka një ndryshim rrënjësor në perceptimi ne opinionit publik që në të njëjtën kohë shpreh në mënyrë shumë më kuptimplotë edhe mangësinë themelore në këtë proces për shkak të diznivelit të lartë midis asaj që bën polciia dhe asaj që bëjnë gjykatat. Gjykatat janë përgjegjëse për të garantuar ndëshkueshmërinë e kujtdo qoftë. Nëse flasim për prekshmërinë, ka qenë vetëm 4 vite më parë koha kur shqiptarët ishin të ndarë në të prekshëm e të paprekshëm. Para 4 vitesh semaforët ishin të kuq për njerëzit e zakonshëm, dhe gjithmonë jeshil për të pushtetshmit. Ka qenë vetëm 4 vite më parë koha kur padallueshmëria e ngjyrave politike në zbatimin e ligjit nga policia ishte një utopi. Vetëm 4 vite më parë operacionet e policisë së shtetit për të goditur kriminele me profil të lartë informoheshin nga kupola e ministrisë së brendshme. 4 vite më parë nuk mund të imagjinohej se një ministër i Brendshëm që duhet të fliste para drejtësisë, të mos merrte mbrojtje politike”, deklaroi Rama.
Rama u ndal edhe te dështimet për të cilat foli ambasadori lu, teksa ai përmendi edhe çështjen “Balili”. Shefi i qeverisë ia faturoi përgjegjësinë gjykatave që lirojnë kriminelët.
“Ka disnivel mes asaj që bën policia dhe asaj që bëjnë gjykatat. Policia është përgjegjëse për paprekshmërinë e individëve, gjykata është përgjegjëse për ndëshkueshmërinë e kujtdoqoftë”.
“Çështja e rendit ligjor dhe e barazisë para ligjit nuk ka vetëm anën e paprekshmërisë. Ka aspektin tjetër: ndëshkueshmërinë e çdo personi në proceset gjyqësore, pavarësisht statusit shoqëror dhe pasurisë. Në këtë aspekt jemi të vetëdijshëm se shkatërrimi i procesit ligjzbatues në sallat e gjykatave është normë. Janë mbi 100 raste kriminelësh që janë liruar në sallë dhe kanë përsëritur krimet”, u shpreh kryeministri./a.m.
