Prokuroria e Krimeve të Rënda u është drejtuar autoriteteve italiane me një letërporosi të re për marrjen e dëshmive të disa prej të akuzuarve në çështjen “Tahiri”.
Përmes një letër-porosie që ka marrë udhë tri ditë më parë, grupi i hetimit, kërkon nga prokuroria e Catanias, t’i vërë në dispozicion dëshmitë e të gjithë të arrestuarve në Itali, përfshi dhe të dyshuarin si kreu i grupit kriminal, Moisi Habilaj, që ka lidhje familjare me ish-ministrin.
Prokurorët kërkojnë edhe pyetjen e Nezar Seitit, i cilësuar si financieri i grupit kriminal, i cili ndodhej në burg në Shqipëri, por u ekstradua drejt shtetit fqinj.
Ish-ministri i Brendshëm Saimir Tahiri akuzohet për përfshirje në trafik ndërkombëtar droge dhe favorizim të bandës Habilaj.
Kreu i bandës së Habilajve, Moisi Habilaj, është arrestuar vitin e kaluar pas hetimeve disa vjeçare në shtetin fqinj.
a.ç
