Ministri i Punëve të Brendshme, Saimir Tahiri, ka reaguar kundrejt akuzave të opozitës dhe veçanërisht Kryetarit të Partisë Demokratike, Lulzim Basha.
Në një status në Facebook, Tahiri thotë se kreu i opozitës, Basha është shëmbëlltyra e pandëshkueshmërisë.
“Është pandëshkueshmëria! Ka simbol kryeshqupistin, që sot ngërdheshet. si llapaqen pa lënë shpifje dhe emra pa zënë në gojë. Atëkohë, vijon statusi i Tahirit, fshihej si pulë për ti ikur drejtësisë, me raport mjekësor e udhëtime jashtë shtetit. Ende sot nuk ka dhëne llogari para drejtësisë”.
“Është drejtësia e Gjin Gjonave që sot është në podiumin e shqupit në vend që të ishte në bankën e të akuzuarve. Dekriminalizimi? Po! Dënojmë për herë të dytë ata që janë dënuar një herë. Por pandëshkueshmeria akoma më shumë. Të dënohen ata që nuk janë denuar kurrë, e sot shesin dengla morali. Është drejtësia! Është pandëshkueshmëria!”, thotë Tahiri.
