Kryeministri Edi Rama ishte në Lezhë ku i dorëzoi çelësat e apartamenteve 16 familjeve të komunitetit rom dhe egjiptian, shtëpitë e të cilëve u shkatërruan si pasojë e tërmetit të Nëntorit 2019.
Gjatë vizitës së tij në banesat e reja, kreu i qeverisë pati edhe një bashkëbisedim me banorët.
Edi Rama: T’i gëzoni me shëndet me fëmijët me gjyshet.
Qytetarja: Të ruajtë zoti, ta shpërbleftë Allahu!
Edi Rama: Janë pronë e juaja falë edhe kontributit të Halilit që na u gjend.
Qytetarja: Zoti të ruaj ishalla ty dhe kryetarin e bashkisë Pjerin Ndreu!
Edi Rama: Fjala doli sepse unë kur jap fjalën e mendoj mirë, nuk e jap kot. Ndonjë herë nuk ia dal dot ta bëj në kohë se ka vonesa dhe probleme. Ja ku jemi këtu, u krye, janë edhe 9 të tjera që do të bëhen. Më mirë do bëhet.
Kreu i qeverisë ka njoftuar se vijon puna për ndërtimin e 9 banesave të tjera private në lagjen “Shehër” të Lezhës.
/a.r
