Gjyqi ndaj terroristit më të kërkuar në botë, Salah Abdeslam, është një ndër proceset më të përfolur në Europë. Dhe “spektaklin” procesit me siguri do t’ja shtojë edhe avokati Sven Mary, që do mbrojë Abdeslamin.
Me sytë e tij si akull, ngjyrë blu, nofulla të forta, vetëm 42 vjeç është konsideruar në Bruksel si i apasionuar pas proceseve gjyqësore që kanë brenda show dhe bujë të madhe mediatike, si ai për skandalin Fortis që rrëzoi qeverinë belge në vitin 2008.
Ose rastin Habran, një nga rastet më të mëdha kundër krimit të organizuar në Belgjikë.
Ai ka një zakon, kur flet për proceset e tij gjyqësore dhe klientët që mbron, Mary jep për median deklarata sarkastike dhe fraza provokuese.
“Klienti im, – tha Mary dje, – ka premtuar të bashkëpunojë me hetuesit, por ai nuk do të ekstradohet në Francë. Vetëm “të biem në gjunjë përpara Francës,” tha avokati i intervistuar nga gazeta “La Derniere Heure”.
Hetuesi që ka marrë në pyetje Abdeslamin, shtoi avokati, ishte human “në kushte të vështira”, – duke e ironizuar.
“Dhe mbi të gjitha pa u ndikuar edhe nga prokurorët federalë për shkak të presionit që i vë Franca kësaj çështjeje. Në një moment ne duhet të ndalemi nga rënia në gjunjë, nga jetesa me këtë ndjenjë faji që duket se është në Belgjikë karshi Francës, që pas sulmeve”,- shtoi avokati i famshëm. Panorama.al
Burimi: Huffingtonpost.it
