Surprizë në Romë, Papa shkon vetë në një dyqan optik për të ndërruar syzet
Banorët e Romës janë habitur kur kanë parë Papa Françeskun të shkojë vetë në një dyqan optik për të ndërruar syzet. Duke mbërritur në dyqan me makinë, Papa hyri vetë në dyqan ku provoi disa skelete syzesh duke qëndruar rreth gjysmë ore.
“Nuk dua të shpenzoj”
Papa në dyqan u prit nga pronari, Alessandro Spiezia, të cilit i tha: “Nuk dua një palë syze të reja, kam nevojë vetëm për të ribërë lentet. Nuk dua të shpenzoj”.
Pastaj duke iu afruar i tha me zë të ulët: “Të lutëm Alessandro: duhet të paguaj çmimin që kanë”. Kështu tregon pronari që shkëmbeu batutat me Papën.
“Ishim lajmëruar që Papa duhet të bënte një palë syze të reja dhe se do të kalonte gjatë ditës, por surpriza ishte kur pamë një makinë pranë dyqanit dhe pamë Papën duke dalë vetë, pa asnjë truprojë me vete”, tha ai.
Turistë të shumtë
Shumë njerëz duke parë këtë vizitë të Papës jashtë programit u mblodhën rreth dyqanit. Ishin aq shumë sa Papa i përshëndeti kur doli nga dyqani.
