Super operacion i policisë shqiptare në luftën kundër drogës dhe trafikut të bimëve narkotike. Rreth 4150 punonjës policie janë duke ushtruar kontrolle nga ajri dhe toka për bimët narkotike në të gjithë Shqipërinë. Operacioni i Policisë së Shtetit ka nisur rreth orës 16.00 të ditës së sotme dhe parashikohet të vazhdojë disa ditë me rradhë. Në operacion janë përfshirë edhe forca të FNSH. Po kontrollohen në mënyrë të imtësishme sera, depo, magazina, ambiente dhe shtëpi të braktisura, tunele dhe ish reparte ushtarake. Kontrollet janë fokusuar në cdo qytet apo fshat ku janë evidentuar kultivim i bimëve narkotike gjatë 10 viteve të fundit.
Super operacion i policisë në luftën kundër drogës, angazhohen 4150 punonjës policie
