Super Mario bëri 30 vjeç
Nëse keni lindur rreth viteve ’90, padyshim që Super Mario Bros iu ka shoqëruar në fëmijërinë tuaj. Më 13 shtator 1985, Nintendo prezantoi lojën e famshme Super Mario Bros.
Disa ditë më vonë dizajnuesi, Shigeru Miyamoto ishte duke festuar. Dhe ai ndoshta ka qenë duke festuar dhe këtë fundjavë, kur bota festoi 30-vjetorin e kësaj video-loje.
“Kur e mbaruam, unë, z. Tezuka dhe z. Nakano, që punuan me ne për lojën për një kohë të gjatë, shkuam në një klub të vogël të muzikës “Country” në selinë e vjetër në Kyoto dhe morëm nga një “kanpai” (dolli) të vogël për të festuar përfundimin e lojës. Ndoshta në përvjetorin e 30-të ne të tre duhet të bëhemi bashkë dhe të shkojmë në të njëjtin klub për “kanpai”, thotë Miyamoto për“Yahoo Games”.
Nintendo shiti mbi 40 milionë kopje të origjinalit Super Mario Bros., që fillimisht u shit nga “Family Computer Disc System” (që zakonisht quhet Famicom) në Japoni. Kuriozitet: Super Mario Bros., nuk ishte loja e parë Mario. Ai quhej Donkey Kong dhe njihej si “njeriu kërcimtar” dhe ishte marangoz dhe jo hidraulik. Megjithatë Super Mario Bros., ishte ai që mori menjëherë famë.
Redaksia Java News/ f.g
