Bradley Lowery, 6-vjeçar, i cili preku zemrat e shumë tifozëve të futbollit me betejën e tij kundër kancerit, ka vdekur në krahët e prindërve të tij. Vdekjen e tij e ka konfirmuar nëna e tij përmes një postimi në Facebook.
Bradi i vogël preku zemrat e miliona njerëzve me vendosmërinë e tij për të vazhduar luftën me kancerin.
“Djali im i guximshëm shkoi te engjëjt sot më 07/07/17, në krahët e nënës dhe babait të tij dhe i rrethuar nga familja.
Ai ishte superheroi ynë që zhvilloi betejën më të madhe. Nuk ka fjalë për të përshkruar dhimbjen tonë.
Faleminderit të gjithëve për përkrahjen”, ka shkruar nëna e tij, Gemma, përgatiti Koha. (b.an)
