Në emisionin “Trialog” në RTSH1, i moderuar nga gazetarja Alba Alishani, ka pasur një përplasje mes analistit Arion Sulo dhe kreut të grupit parlamentar të Partisë Demokratike, Gazment Bardhi.
Arion Sulo e cilësoi procesin zgjedhor si një “puç kushtetues”, duke i drejtuar Bardhit pyetjen se “Si do futesh në një puç kushtetues?”.
“Ai është pothuajse “puç” kushtetues nëse ndodh, si do të futesh ti në një “puç” kushtetues? Ti do të bëhesh pjesëmarrës, do të bëhesh fasadë”, u shpreh analisti Sulo.
Në përgjigje, Gazment Bardhi deklaroi se Partia Demokratike nuk do të bojkotojë zgjedhjet, duke theksuar se kjo është një çështje parimore.
“Së pari ky do të jetë një vendim, dhe e thashë që në nisje i drejtuar Partisë Demokratik. Parimi është që ne nuk bojkotojmë zgjedhjet”, shtoi Bardhi.
