Prokuroria e Tiranës ka ngritur dy akuza ndaj 20 vjecarit Ramadan Marku i cili një ditë më parë tek rrotullimi i Kamzës goditi me thikë punonjësin e policisë 52 vjeçarin me inicialet Z.P i cili ndodhet jashte rrezikut për jetën.
Ai akuzohet për veprat penale ‘Vrasje me dashje e mbetur në tentativë’ dhe ‘Mbajtja pa leje e armëve të ftohta”.
Një ditë më parë ai u shpreh se nuk kishte qëllim të qëllonte policin por ende mbeten të paqarta arsyet se përse 20 vjeçari goditi efektivin.
Mësohet se i riu ka qënë me precedentë penale dhe i dënuar për dhunë në familje dhe vjedhje raporton Shqiptarja.
Ndërkohë një ditë më parë u tha se 20 vjeçari ishte i sëmurë mendore dhe tashmë është kërkuar edhe analiza psikike për të.
