Si pasojë e një sulmi të armatosur ndaj një shkolle të mesme në rajonin Saskatchewan të Kanadasë u vranë pesë persona.
Sipas një deklarate nga Policia Mbretërore e Kanadasë (RCMP) dhe burimeve lokale mësohet se një person i armatosur ka qëlluar shtatë herë në shkollën e mesme ”Dene” në La Loche e cila ndodhet 600 kilometra në veri të Saskatoon.
Si pasojë e sulmit kanë humbur jetën pesë persona dhe dy të tjerë janë plagosur rëndë.
Në vendngjarje theksohet se kanë mbërritur forca të shumta policie dhe ambulanca.
Autoritetet e RCMP gjithashtu kanë theksuar se sulmin e ka kryer një 19-vjeçar i cili është ndaluar teksa largohej 10 minuta pas sulmit.
Kryeministri i Kanadasë, Justin Trudeau, në një deklaratë nga Davosi tha se “në këtë ditë të frikshme për personat që humbën jetën jemi të gjithë të trishtuar”.
