Grupi militant kurd TAK ka thënë se e ka kryer sulmin vdekjeprurës të së dielës në kryeqytetin turk, Ankara.
Në një deklaratë në internet të këtij grupi thuhet se sulmi, i cili vrau 37 persona, u bë në shenjë hakmarrje për operacionet ushtarake në jug-lindje të vendit, raportojnë mediat ndërkombëtare, përcjellë Klan Kosova.
TAK, një degë e Partisë së ndaluar të Punëtorëve të Kurdistanit (PKK), tashmë e kishte marrë përgjegjësinë për një tjetër shpërthim që ndodhi në Ankara muajin e kaluar.
Edhe autoritetet turke më herët kanë fajësuar PKK për sulmin e fundit.
